Mańǵystaý oblysy Qaraqııa aýdanyndaǵy Quryq aýylynda ornalasqan №147 referendým ýchaskesine kelin keldi, dep habarlaıdy Egemen.kz Qoǵamdyq kommýnıkasııa ortalyǵyna silteme jasap.
Azamat Naýryz ben Baǵdat Danagúl búgin úılenip jatyr. Dálirek aıtqanda, dál qazir betashary bolady eken. Kúıeý jigit betashardan buryn kelindi saılaý ýchaskesine alyp kelipti.
«Biz jubaılyq ómirimizdiń alǵashqy qadamyn elimizdiń erteńine ózgeris engizýge óz úlesimizdi qosýdan bastaǵymyz keldi. О́z bolashaǵymyz úshin daýys berdik, erteńimizge senemiz!» deıdi jas jubaılar.