NATO Baltyq teńizinde áskerı-teńiz jattyǵýlaryn bastady. Oǵan 7 myńnan astam teńizshi, áýe jáne teńiz jaıaý áskeri qatysty, dep habarlaıdy Egemen.kz ABCnews-qa silteme jasap.
Keshe NATO Baltyq teńizinde áskerı-teńiz oqý-jattyǵýlaryn bastady. Oqý-jattyǵý jıyny eki aptaǵa sozylady. Oǵan 16 elden 7 myńnan astam teńizshi, áýe jáne teńiz jaıaý áskeri, sonyń ishinde Fınlıandııa men Shvesııanyń eki úmitker áskerı odaq músheleri qatysady.
1972 jyly bastaý alǵan jyl saıynǵy BALTOPS áskerı-teńiz jattyǵýlary qandaı da bir naqty qaýip-qaterge jaýap retinde ótkizilmeıdi. Biraq áskerı alıans: «Shvesııa men Fınlıandııanyń qatysýynyń arqasynda NATO alıansqa qosylýǵa úmitker eki Skandınavııa elimen birge birikken kúshin arttyrý úshin múmkindikti paıdalanyp jatyr», dep málimdedi.
AQSh-tyń joǵary áskerı sheneýnigi 45 keme men 75 ushaq qatysatyn áskerı-teńiz jattyǵýlary aldynda NATO-nyń Helsınkı men Stokgolm úkimetterine qoldaý kórsetýi erekshe mańyzdy ekenin aıtty.
«Amerıka Qurama Shtattary jáne NATO-nyń basqa elderi úshin bul jattyǵýda Fınlıandııa jáne Shvesııamen yntymaqtasý mańyzdy», dedi Birikken shtab tóraǵasy.
NATO-daǵy jaqyn seriktester retinde Fınlıandııa men Shvesııa 1990 jyldardyń ortasynan beri áskerı-teńiz jattyǵýlaryna qatysyp keledi.
17 maýsymda Germanııanyń Kıl portynda BALTOPS 22 jattyǵýlaryn aıaqtaý josparlanǵan.
Gúldana Elýbaı