Avstrııanyń Gras qalasynda dzıýdodan jastar Eýropa kýbogy ótti. Qazaqstandyq dzıýdoshylar bul jarysta alty júlde - 2 altyn, 2 kúmis jáne 2 qola medal jeńip aldy, dep habarlaıdy Egemen.kz.
UOK baspasóz qyzmetiniń málimetinshe, qurmet tuǵyrynyń joǵarǵy satysyna Nurqanat Serikbaev (60 keli) pen Nursultan Zaızaǵalıev (66 keli) kóterildi.
Mereı Mahanbetov (60 kg) pen Aıda Toıshybekova (78 kg) Eýropa Kýbogynyń kúmis medalin jeńip aldy. Maksım Meırlan (81 keli) men Esmıgúl Kýlova (63 keli) týrnırdiń qola júldegeri atandy.
Osylaısha, Qazaqstan jastar quramasy Eýropa Kýbogynyń jalpy komandalyq esebinde ekinshi orynǵa ıe boldy.