2022 jylǵy 6 maýsymda Ekibastuz qalalyq soty qala ákiminiń orynbasary Baýyrjan Ahmetovke jáne onyń qaramaǵyndaǵy TKSh bólimi basshysynyń orynbasary A.Sadyqov pen sol bólimniń bas mamany K. Túsipbekovke qatysty úkim shyǵardy, dep habarlaıdy Egemen.kz.
«Joǵaryda atalǵan adamdar memlekettik satyp alý sharttary boıynsha oryndalǵan jumystardyń aktilerine kedergisiz qol qoıǵany jáne jalpy qamqorlyǵy úshin kásipkerlerden júıeli túrde para aldy dep aıyptaldy», delingen ANTIKOR habarlamasynda.
Sot úkimimen Baýyrjan Ahmetovke 8 jylǵa bas bostandyǵynan aıyrý jazasy taǵaıyndalsa, Túsipbekov pen Sadyqov 7 jáne 6 jylǵa bas bostandyǵynan aıyryldy.
Ekibastuz qalasynyń ákimi A.A.Qańtarbaevtyń tikeleı basshy retindegi jaýapkershiligi týraly másele «Memlekettik qyzmet týraly» Zańnyń 60-babynyń 2-tarmaǵyna sáıkes aıyptaý úkimi zańdy kúshine engennen keıin qaralatyn bolady.