Qagan etnofıýjn tobynyń ónerin tamashalamaı jatyp-aq erekshe áserde bolaryńyz anyq. О́nerpazdardyń kıimi, júris-turysy tarıh qoınaýyna súńgitip, rýhyńdy asqaqtata túsedi. Jaqynda atalǵan ujym Mońǵolııada ótken halyqaralyq Asia folk – 2022 baıqaýynyń kúmis júldegeri atandy.
Toptyń mýzykalyq jetekshisi ári múshesi, Kúıshiler odaǵy Pavlodar oblystyq fılıalynyń tóraǵasy, kúıshi, kompozıtor Erasyl Ádilbekov baıqaýdyń onlaın ótkenin aıtty.
– Baıqaý eki jylda bir ret ótedi. Bul – bedeli zor baıqaý. Ony qatysýshylardan-aq bilýge bolady. Mysaly, bas júldeger atanǵan «Han Hýýr» toby Gollıvýdtyń fılmderine saýndtrek jazyp, Universal Pictures-pen jumys istep júrgen ataqty top. Basqa da myqty komandalar boldy. Jalpy, baıqaýda 40-qa jýyq mýzykalyq top baq synady, – deıdi E.Ádilbekov.
Baıqaý eki týrdan turyp, Qagan toby eki týyndyny shyrqapty. Qos týyndy da Erasyl Ádilbekovtiń avtorlyq shyǵarmalary. «Turan dalasy» jáne «Shashý» atty týyndylar usynylǵan.
Topta 7 adam bar. Kórkemdik jetekshisi, «Mádenıet qaırateri», «Altynsarın» jáne «QR Qurmetti ustazy» tósbelgileriniń ıegeri – Ryskúl Sábekova. Aıtpaqshy, top músheleri jýyrda ǵana Almaty qalasynda ótken jasóspirimder arasyndaǵy bedeldi «Boztorǵaı» halyqaralyq baıqaýynda synǵa túsip, dombyrashylar baǵytynda Ádiljan Nurqaev 2-oryn, Nurbol Qarataı 3-oryn ıegerleri atanǵan.
Pavlodar oblysy