Elordada osy aptada oıyn-saýyq jáne tanymdyq birqatar mádenı is-shara ótkizý josparlanyp otyr. Elorda turǵyndary men qonaqtary úshin spektaklder, kórmeler, konsertter uıymdastyrylady, dep habarlaıdy Egemen.kz Nur-Sultan ákimdiginiń resmı saıtyna silteme jasap.
Máselen, 8 maýsym kúni saǵat 19:00-de Memlekettik akademııalyq fılarmonııanyń «Sounds of world» kameralyq hory HIH konserttik maýsymyn jabady. О́tetin orny: «Astana Opera» teatry K.Baıseıitovanyń Kameralyq zaly. Sol kúni ártister «Erkin elim» konsertimen óner kórsetedi.
10 maýsym kúni saǵat 19:00-de fılarmonııa QR eńbek sińirgen qaıratkeri, aqyn, kompozıtor Slanqoja Qaraqystyqtyń «Biz Otannyń sarbazymyz» atty mýzykalyq-ádebı shyǵarmashylyq keshine shaqyrady.
7 maýsymda saǵat 11:00-de munda M. Gorkıı atyndaǵy Memlekettik akademııalyq orys drama teatrynyń ártisteri «Koza-Dereza» ertegisin usynady.
7 maýsym kúni saǵat 13:00-de jáne 18:00-de qala turǵyndary úshin konserttik baǵdarlama uıymdastyrylady.
10 maýsym kúni saǵat 19:30-da Esil jaǵalaýyndaǵy Amfıteatrda «Astana» estradalyq-sımfonııalyq orkestriniń konserti ótedi.
«Jastar» teatry osy aptada úsh qoıylym qoıýdy josparlap otyr. 8 maýsym kúni saǵat 19:00-de kórermender S.Júnisovtiń «Tyraý-tyraý, tyrnalar» dramasyn, al 9 jáne 10 maýsym kúnderi S.Astrahansevtiń «Dostyq pen qýlyq» ertegisin, 11 maýsymda B.Soqpaqbaevtyń «Kózime bir kórinseń, bala ǵashyq...» sahnalyq povesin tamashalaýǵa bolady.
M. Gorkıı atyndaǵy Memlekettik akademııalyq orys drama teatrynyń ártisteri 9 jáne 11 maýsymda A.Boldınovtyń «Prıklıýchenııa Aıstenka» ertegisin sahnalaıdy. 11 shildede keshke gorkıılyqtar N.Gogoldiń «Neke» komedııasyn usynady. Elordalyq qýyrshaq teatry 10 maýsym kúni saǵat 16:00-de, 11 jáne 12 maýsym kúni saǵat 12:00-de, 14:00-de jáne 16:00-de balalardy A.Salaevanyń «Eto ıa narısoval» atty baletke shaqyrady.
Mýzykalyq jas kórermen teatry 9 maýsym kúni saǵat 19:00-de «Mahabbat-júrek» mýzykalyq-poetıkalyq spektaklin kórsetedi. Al 10 maýsymda saǵat 19:00-de «Shámshi» mıýzıklin kórýge bolady. 11 jáne 12 maýsymda saǵat 19:00-de jastar «Zoobaq» psıhologııalyq qoıylymynyń tusaýkeserine shaqyrylady.
«Naz» memlekettik bı teatry 9 maýsym kúni saǵat 19:00-de «Myń bir túnniń bir túni» horeografııalyq qoıylymyn kórsetedi. 8 maýsym kúni saǵat 12:00-de №4 kópshilik kitaphanasy «Men ómirdiń gúlimin» oıyn baǵdarlamasyn uıymdastyrady, sol kúni №5 balalar kitaphanasynda «Jazdy beker ótkizbe – kitaphanaǵa kel!» anımasııalyq fılmin kórsetedi.
9 maýsym kúni №2 balalar kitaphanasynda «Meniń súıikti kitaptarym» oqyrman benefısi ótedi. Tústen keıin № 5 balalar kitaphanasy «Birge oqımyz» mánerlep oqý klýbyna shaqyrady. 7 jáne 11 maýsym kúnderi №15 buqaralyq kitaphanada art-terapııa, shahmat, aǵylshyn tili, toǵyzqumalaq boıynsha klýbtar men úıirmeler jumys isteıdi.
8 maýsymda «ALJIR» memorıaldy-murajaı kesheni «Senim» dárisin, sol sııaqty 12 maýsymda «Tarıhymyzdyń sýyq jyldary» dárisin uıymdastyrady. 8 maýsymǵa deıin Sáken Seıfýllın mýzeıinde elimizdiń memlekettik rámizderiniń 30 jyldyǵyna arnalǵan «Rámizder – táýelsizdik belgisi» fotokórmesi ótedi.