О́skemendegi Vysokovoltnaıa kóshesindegi úılerdiń birinen órt shyǵyp, jalyn lezde úıdiń ishin sharpyp úlgergen. О́rtti kórshi jerde turatyn serjant Rızabek Qanapııanov baıqap qalyp, birden qutqarýǵa kirisken, dep habarlaıdy Egemen.kz «Shyǵys» óńirlik qolbasshylyǵynyń baspasóz qyzmetine silteme jasap.
«Ol esh oılanbastan oqıǵa ornyna jetip, óziniń týysy Manarbek Aýǵanbaevpen birge dereý tilsiz jaýdyń betin qaıtarýǵa kirisedi. Kenet úı ishinen kómek surap aıqaılaǵan daýysty estigen Rızabek jalyn sharpyǵan úıge kirip, dıvannan turýǵa shamasy jetpeı jatqan jasy 65 shamasyndaǵy er adamdy kóredi. Olar esikke qaraı bettegende Manarbek kómekke kelip, er azamatty syrtqa aman-esen alyp shyqqan», delingen málimette.
Belgili bolǵandaı, órtten ýlanǵan úı ıesi dereý aýrýhanaǵa jetkizilgen. Al órt sóndirýshiler jalyndy tolyǵymen sóndirip úlgergen.
Rızabek Qanapııanov – Ulttyq ulannyń «Shyǵys» óńirlik qolbasshylyǵyna qarasty 3477 áskerı bóliminiń serjanty, al Manarbek Aýǵanbaev – №46 qalalyq mekteptiń alǵashqy áskerı daıyndyq pániniń jetekshisi.