Memleket basshysy halyqaralyq kompanııalardyń basshylarymen birqatar kezdesý ótkizdi, dep habarlaıdy Egemen.kz.
Prezıdent Qasym-Jomart Toqaev Sheteldik ınvestorlar keńesiniń 34-otyrysy qarsańynda «Fortescue Future Industries» kompanııasynyń negizin qalaýshy ári dırektorlar keńesiniń tóraǵasy Endrıý Forresti, sondaı-aq «Polımetall ÝK» aksıonerlik qoǵamynyń prezıdenti Igor Fınogenovti qabyldady.
Endrıý Forrestpen kezdesý barysynda kómirtegin az paıdalana otyryp damý máselesi talqylandy. Bul – Qazaqstannyń strategııalyq maqsattarynyń biri.
«Fortescue Future Industries» kompanııasy dırektorlar keńesiniń tóraǵasy Prezıdentke kompanııanyń elimizdegi jel energetıkasy jáne jasyl sýtegin óndirý jobalaryna ınvestısııa salý jospary týraly aıtty.
Igor Fınogenov Qasym-Jomart Toqaevqa álemdegi iri taý-ken jáne altyn óndirýshi kompanııalardyń qataryna kiretin «Polımetall ÝK» aksıonerlik qoǵamynyń jumysy týraly málimet berdi.
Kásipker Memleket basshysyna geologııalyq barlaý jumystaryn júrgizý jáne kún elektr stansııalaryn salý jónindegi josparyn aıtty.