Bul týraly QR Prezıdenti janyndaǵy Sheteldik ınvestorlar keńesiniń 34-jalpy otyrysynda Memleket basshysy Qasym-Jomart Toqaev aıtty, dep habarlaıdy Egemen.kz.
«Búgingi keńes otyrysy jahandyq logıstıkalyq tizbekterdiń úzilýi, saýda soǵystary, teńdessiz ınflıasııalyq qysym syndy barynsha kúrdeli ahýal aıasynda ótip jatyr. Munyń barlyǵy - búgingi kúnniń obektıvti shyndyǵy. Mundaı ahýalda memleketke de, bızneske de oıynnyń jańa erejelerine jedel beıimdelý talap etiledi. Tek solaı ǵana básekege qabilettilikti saqtap qala alamyz. Qazaqstan óz damýynyń jańa kezeńine ótti. Elde men usynǵan demokratııalyq reformalardyń aýqymdy baǵdarlamasy ret-retimen júzege asyrylýda. 5 maýsymda jalpyulttyq referendým ótip, onda azamattar Konstıtýsııaǵa ózgertýler men tolyqtyrýlar jobasyn qoldady», dedi Qazaqstan Prezıdenti.
Memleket basshysy daýys berý nátıjesinde Ata zańnyń úshten birine túzetýler engizilgenin atap ótti. Olardyń qatarynda Prezıdent ókilettigin qaıta qaraý, saıası partııalardyń damýy úshin múmkindikterdi keńeıtý, saılaý prosesin jetildirý, azamattardyń quqyqtary men bostandyqtaryn qorǵaý júıesin nyǵaıtý bar.
«Buǵan qosa, biz júzege asyrylyp jatqan saıası reformalar keshendi ekonomıkalyq túrlenýmen qatar júrýi tıis degen senimdemiz. Dál osyndaı ádis bizge ortasha kiris qaqpanynan sytylyp shyǵýǵa jáne kelesi damý deńgeıine kóshýge múmkindik beredi», dedi Qasym-Jomart Toqaev.