Mońǵolııanyń tuńǵysh Olımpıada chempıony, dzıýdoshy Naıdangıın Tývshınbaıar dosyn óltirgeni úshin 16 jylǵa sottaldy, dep habarlaıdy Egemen.kz Sonin aqparattyq agenttigine silteme jasap.
Oqıǵa 2021 jyly sáýirde bolǵan. Tývshınbaıar mas kúıinde dosyn ońdyrmaı sabaǵan, er adam alǵan jaraqattary saldarynan birneshe aıdan keıin kóz jumypty.
Sotta Tývshınbaıar kinásin moıyndap, bolǵan jaıtqa ókinetinin aıtqan. Onyń sózinshe, dosy Naıdangıınniń úlken jetistikterge jetýine zor úles qosqan eken. Sportshy kóz jumǵan dosynyń otbasyna iri sommada ótemaqy da tólepti.
«Men kinálimin, sot maǵan qatysty sheshimin shyǵarsyn. Men dosymnyń otbasyna ómir boıy kómektesemin», dedi ol.
Eske salaıyq, 100 kelide beldesken Tývshınbaıar 2008 jyly Beıjińde Mońǵolııa tarıhynda alǵash ret Olımpıada altyn medalin jeńip alǵan edi. Al 2012 jyly «kúmis» jeńip alyp, Olımpıadanyń birneshe júldesin ıelengen birinshi mońǵolııalyq bolǵan.