Memleket basshysy Májilis tóraǵasy Erlan Qoshanovty qabyldady, dep habarlaıdy Egemen.kz Aqordaǵa silteme jasap.
Májilis spıkeri Prezıdentke konstıtýsııalyq reformalardy odan ári naqty júzege asyrýǵa qatysty aldaǵy zań shyǵarý jumystary jóninde baıandady.
Parlamenttiń tómengi palatasynyń tóraǵasy Memleket basshysyna Májilis depýtattary men AMANAT partııasynyń músheleri referendýmnyń mán-mańyzyn túsindirý naýqany barysynda azamattardan 20 myńnan astam ótinish jınaǵanyn aıtty. Úkimetpen birlese otyryp, qazaqstandyqtardyń barlyq usynysy men kótergen máseleleri pysyqtalady jáne zań shyǵarý jumysy kezinde eskeriledi.
Sonymen qatar Erlan Qoshanov Qasym-Jomart Toqaevqa Qazaqstan delegasııasynyń 6 maýsymda Erevanda ótken UQShU Parlamenttik Assambleıasy keńesiniń kóshpeli otyrysyna qatysqany jóninde aıtty.
Atalǵan jıyn barysynda UQShU Parlamenttik Assambleıasy halyqaralyq baqylaýshylar mıssııasy jumysynyń qorytyndysy jarııalandy jáne elimizde ótken referendým ulttyq zańnamaǵa tolyq saı keledi dep tanyldy.
Sonymen qatar Parlamenttik Assambleıa halyqaralyq jáne aımaqtyq deńgeıde qaýipsizdik máselesin sheshý úshin BUU aıasynda Ujymdyq qaýipsizdik shart uıymy bitimgerlik áleýetiniń damý barysyn talqylady.