Qalada masalardy joıýǵa 70 mln teńge bólindi. Alty brıgada dezınfeksııalaý jumystarymen aınalysady, biraq azamattardan kelip túsip jatqan shaǵym kóp bolǵandyqtan, 10 brıgada shyǵarýǵa týra keldi, dep habarlaıdy Egemen.kz.
Keshke kóshege shyqsańyz, masaǵa talanbaı qaıtýyńyz múmkin emes, dep shaǵymdanady Atyraý turǵyndary. Bul týraly «Moı gorod» habarlaıdy.
Jadyra esimdi turǵyn kóshege qajet bolǵan jaǵdaıda ǵana shyǵatynyn aıtady.
Atyraý qalalyq ákimdiginiń málimetinshe, qalada masalardy joıýǵa 70 mln teńge bólingen.
Dezınfeksııa jónindegi is-sharalar birinshi kezekte qaladaǵy 1100-den astam kóp páterli úılerdiń jertóleleri men kireberisterine, balalar alańdary men avtobýs aıaldamalaryna, saıabaqtarda, sondaı-aq qala mańyndaǵy aýyldarǵa qatysty júrgiziledi.
Qazirgi ýaqytta masalardyń kóbeıýine baılanysty jándiktermen kúresý úshin shuǵyl sharalar qabyldandy, buryn qoldanylǵan hımıkattar basqasymen aýystyryldy. Alty brıgada dezınfeksııamen aınalysady, biraq azamattardan kelip túsip jatqan shaǵym kóp bolǵandyqtan, 10 brıgada shyǵaraıyq dep otyrmyz», dedi Atyraý qalalyq ákimdigi
Sondaı-aq, ákimdiktegiler tender boıynsha masalar men shybyn-shirkeılerdiń kózin joıatyn merdiger anyqtalyp qoıǵanyn jetkizdi.