Sýdannan Saýd Arabııasyna myńdaǵan qoı apara jatqan keme Qyzyl teńizdegi Sýakın portynda sýǵa batyp ketti, dep habarlady Egemen.kz.
Keme shamadan tys aýyr salmaqty kótere almaǵandyqtan sýǵa batqan. Apat kezinde bortta 15800 qoı bolǵan. Al kemeniń qýaty mundaı salmaqqa eseptelmegen, tek 9 myń bas maldy tasymaldaı alady.
Oqıǵa jeksenbi kúni tańerteń bolǵan. «Badr» kemesi aılaqtyń mańynda birneshe saǵattyń ishinde sý astyna ketken. Ekıpaj múshesi kemeden shyǵyp úlgergen.
Sýǵa batqan maldyń jalpy quny 4 mıllıon dollarǵa baǵalandy.
Aıana Toǵanbek