Qazaqstandyqtarǵa múgedektik jáne asyraýshysynan aıyrylý boıynsha 175,8 mlrd teńge járdemaqy tólendi, dep habarlaıdy Egemen.kz Eńbek jáne halyqty áleýmettik qorǵaý mınıstrligine silteme jasap.
Onyń ishinde 2022 jyldyń mamyr aıynda respýblıkalyq bıýdjetten múgedektik boıynsha memlekettik áleýmettik járdemaqy tóleýge 27,7 mlrd teńge, asyraýshysynan aıyrylýyna baılanysty járdemaqy tóleýge 8,2 mlrd teńge jumsaldy.
1 maýsymdaǵy jaǵdaı boıynsha múgedektik boıynsha memlekettik áleýmettik járdemaqy alýshylardyń sany 528,9 myń, asyraýshysynan aıyrylý jaǵdaıy boıynsha 180,1 myńǵa jetti.
Múgedektik jáne asyraýshysynan aıyrylý jaǵdaıy boıynsha memlekettik áleýmettik járdemaqy mólsheri múgedektik tobyna jáne qaıtys bolǵan asyraýshynyń asyraýyndaǵy adam sanyna, «Respýblıkalyq bıýdjet týraly» zańda belgilenetin eń tómengi kúnkóris deńgeıine baılanysty bolady.
1 maýsymdaǵy jaǵdaı boıynsha múgedektik jónindegi memlekettik áleýmettik járdemaqynyń ortasha mólsheri – 52 318 teńge, asyraýshydan aıyrylý jaǵdaıy boıynsha tólenetin járdemaqy – 45 906 teńge.