ASTANA. 23 sáýir. Úkimet basshysy Kárim Másimov ótken aptada «Demalys kúnderin aýystyrý týraly» Qaýlyǵa qol qoıdy. Bul týraly Government.kz habarlady.
Taǵy bir esterińizge salar bolsaq, Úkimet qaýlysy boıynsha, jumysshylarǵa yńǵaıly jaǵdaılar týǵyzý maqsatynda jáne jumys ýaqytyn tıimdi paıdalaný úshin demalys kúnderi – 2014 jylǵy jeksenbi, 4 mamyrdan - juma, 2 mamyrǵa, al sondaı-aq, 2014 jylǵy jeksenbi, 11 mamyrdan - beısenbi, 8 mamyrǵa aýystyryldy. Sonymen qazaqstandyqtar 1-3 mamyr aralyǵynda jáne 7-10 mamyr aralyǵynda demalady. Alaıda, qaýlyǵa sáıkes, kúndelikti óndiristi qarjylyq, materıaldyq ónimdermen qamtamasyz etetin keıbir ujymdar jáne basqa da qyzmet kórsetý salalary kásipodaq mekemeleriniń kelisimimen 2014 jyldyń 2-8 mamyr aralyǵynda jumys isteý quqyǵyna ıe.
Osylaısha mamyr aıynyń alǵashqy bóliginde qazaqstandyqtar úsh birdeı merekeni toılaıdy. Olar: 1 mamyr – Qazaqstan halyqtary birligi kúni, 7 mamyr – Otan qorǵaýshylar kúni, 9 mamyr –Jeńis merekesi.
Joldybaı Bazar.
Derekkóz: Government.kz.
Foto: mgorod.kz