Qazaqstandyq ziltemirshi Edige Emberdi dúnıejúzilik dodada eń joǵary nátıjeni tirkedi, dep habarlaıdy Egemen.kz.
Meksıkada ótip jatqan jasóspirimder arasyndaǵy básekede otandasymyz 73 kelide baq synady. El namysyn qorǵaǵan Edige julqa kóterýde 134 kelini baǵyndyryp, jalpy esepte top bastady. Al serpe kóterýde 172 kelini basynan asyrdy. Bul álemdik rekord sanalady.
Osylaısha qossaıys qorytyndysy boıynsha 17 jastaǵy jerlesimiz 306 kelini kóterip, birinshi orynǵa ıe boldy. Odan keıin О́zbekstan sportshysy Dıorbek Ermatov jaıǵasty. Úzdik úshtikti kanadalyq Braıan Ibanes Gerrero túıindedi.
Aıta ketsek, Edige ulttyq qurama qorjynyna ekinshi altyndy ákeldi. Buǵan deıin orta salmaqtaǵy Erasyl Sáýlebekov qarsylas shaq keltirmep edi.