Ekinshi jyl qatarynan Temirtaý qalasynyń Mádenıet saraıy balalarǵa taza aýada tegin jazǵy lager uıymdastyryp keledi. Balalar munda sheberlik synyptaryna jáne basqa da oıyn-saýyq is-sharalaryna qatysady, dep habarlaıdy Egemen.kz.
Lagerge 7 jastan 13 jasqa deıingi balalar jazyla alady. Sondaı-aq bul lagerde tórt taqyryptyq maýsym uıymdastyryldy. Olar shyǵarmashylyq, medıa, eriktilik jáne ekologııa dep bólindi. Bir maýsymǵa 20-dan astam bala qabyldanady. Uzaqtyǵy - 10 kún.
Qazir shyǵarmashylyq maýsym bastaldy. Ol 24 maýsymǵa deıin jalǵasady. Eriktiler maýsymy 27 maýsym men 8 shilde aralyǵynda ótedi. 11-22 shilde aralyǵynda jas temirtaýlyqtardy BAQ pen medıa baǵyty kútip tur. Sońǵy, ekologııalyq maýsym 25 shildede bastalady. Lager jumysyn 6 tamyzda aıaqtaıdy.
«Balalardy pedagogter jáne tálimgerler qadaǵalaıdy. Sonymen qatar bizde «Shańyraq» volonterlik ortalyǵymen yntymaqtastyq bar, sondyqtan bizge taǵy eki volonter kómektesedi», dedi Mádenıet jáne demalys bóliminiń mádenı uıymdastyrýshysy Vıoletta Kýklına.
Aıana Toǵanbek