Búgin Ulytaýda Prezıdent janynan qurylǵan Ulttyq quryltaıdyń alǵashqy otyrysy ótedi, dep habarlaıdy Egemen.kz.
Aıta keteıik, keshe Memleket basshysynyń Jarlyǵymen QR Prezıdentiniń janyndaǵy Ulttyq quryltaı quryldy.
Ulttyq qoǵamdyq senim keńesiniń ornyna quramy jaǵynan aýqymdy Ulttyq quryltaı ınstıtýty qurylatyny eń alǵash resmı túrde Prezıdent Qasym-Jomart Toqaevtyń 16 naýryzdaǵy halyqqa Joldaýynda aıtylǵan bolatyn.
Keıin Memleket basshysy Qazaqstan halqy Assambleıasynyń HHHI sessııasynda bul ınstıtýt jalpyulttyq dıalogtiń ámbebap modeline aınalatynyn aıtyp, quramyna kimder kiretinin ataǵan edi.
Ulttyq quryltaıdyń qazirgi quramynda Májilis depýtattary men QHA múshelerinen, azamattyq qoǵam men saıası partııa ókilderinen, sarapshylar men óńirlerdegi qoǵamdyq keńes múshelerinen, kásipkerlerden jasaqtalǵan 117 adam bar.