Ult uıasy – Ulytaýdyń ǵasyrlar boıǵy uly mıssııasy qaıta jalǵasyn tapty. Bul týraly Memleket basshysy Qasym-Jomart Toqaev Ulttyq quryltaıdyń I otyrysynda aıtty, dep habarlaıdy Egemen.kz.
«Meniń Jarlyǵymmen bul óńirde jańa oblys qurylǵanyn bilesizder. Qasıetti ólkeniń ataýyn jańǵyrtyp, ony Ulytaý dep atadyq. Derbes oblys mártebesi osy aımaqty tyń serpinmen damytýǵa múmkindik beredi. Jumys oryndary ashylyp, halyqtyń ál-aýqaty jaqsara túsedi dep oılaımyn. Jańa nysandar, solardyń ishinde áleýmettik keshender boı kóteredi, týrıstik áleýeti artady.Oblystyń alǵashqy qadamy alqaly jıynnan bastalýda. Ult uıasy – Ulytaýdyń ǵasyrlar boıǵy uly mıssııasy qaıta jalǵasyn tapty», dedi Memleket basshysy.
Eske sala keteıik, búgin Ulytaýda Memleket basshysynyń qatysýymen Ulttyq quryltaıdyń I otyrysy ótip jatyr.