Biz ultty uıystyratyn parasatty, tyń ıdeıalar men usynystarǵa aıryqsha mán berýimiz qajet. Bul – Ulttyq quryltaıdyń eń basty mindeti. Bul týraly Memleket basshysy Ulttyq quryltaıdyń I otyrysynda aıtty, dep habarlaıdy Egemen.kz.
BIRINShI. Jalpyulttyq birlikti nyǵaıtý
«Biz demokratııa dástúri jetilgen, myqty azamattyq qoǵam quramyz. Bul – strategııalyq baǵytymyz. Osy baǵdardy berik ustanýymyz kerek. Sońǵy úsh jylda bul salada biraz nátıjege jettik. Bılik pen halyq arasynda mazmundy dıalog ornattyq. Buǵan Ulttyq qoǵamdyq senim keńesi zor septigin tıgizgenin atap ótkim keledi. Sol arqyly birqatar ozyq ıdeıalar usynyldy.
Mıtıngiler týraly demokratııalyq zań shyqty. Partııalyq saılaý tizimine áıelder men jastar úshin otyz paıyzdyq kvota engizildi. Qoǵamdyq keńesterdiń jumysy jandana tústi. Saıası jańǵyrý baǵdarlamasy arqyly oń bastamalar laıyqty jalǵasyn tabary sózsiz»
EKINShI. Reformalardyń mán-mańyzyn halyqqa túsindirý
Eń bastysy, bizdiń baǵdarymyzdy halyqtyń basym kópshiligi qoldap otyr. Azamattarymyz elimizde túbegeıli ózgeris bolatynyna senedi. Degenmen, referendým tabysty ótti eken dep, bosańsýǵa bolmaıdy. Naǵyz jumys endi bastaldy.
Reformany júzege asyrý barysyn elge udaıy túsindirip otyrýymyz kerek. Qazirdiń ózinde jańǵyrý úderisi birtindep jalpyulttyq sıpatqa ıe bola bastady. Shyn máninde, jańǵyrýdyń áserin árbir azamatymyz sezinýi qajet. Eldegi ózgeriske árkim óz isindeı qarasa, shyn máninde, jańarý jolyna túsemiz. Muny elimizdiń árbir azamaty tereń túsingeni jón»
«Biz ultty uıystyratyn parasatty, tyń ıdeıalar men usynystarǵa aıryqsha mán berýimiz qajet. Bul – Ulttyq quryltaıdyń eń basty mindeti. Sondyqtan, mynadaı baǵyttarǵa nazar aýdarý qajet dep oılaımyn.
ÚShINShI. Jańa tehnologııalar arqyly halyqty aýqymdy reformalarǵa qatystyrý
Quryltaıǵa qansha adam kirse de, qoǵamdy tolyq qamtı almaıdy degen pikir aıtylyp júr. Biraq, Quryltaı múshelerin kóbeıte bersek, odan paıda bolmaıdy. Budan jumystyń berekesi qashyp, uıymdastyrý isi qıyndap ketýi múmkin.
Quryltaı – belgili bir adamdar ǵana bas qosatyn jer emes. Ol, shyn máninde, jalpyulttyq jıynǵa aınalýy kerek. Bul – óte mańyzdy mindet», dedi Prezıdent.