Ekibastuzda múmkindigi shekteýli bala 3-qabattan qulap ketti, dep habarlaıdy Egemen.kz.
13 maýsym saǵat 09.00-de Ekibastuz qalalyq PB kezekshi bólimine «103» jedel járdem dıspetcherinen Energetıkov kóshesindegi úıdiń aýlasynda úshinshi podezdiń janynda bala jatyr degen telefon habarlamasy kelip tústi.
Anyqtalǵandaı, 5 jastaǵy jas bala ata-anasynyń qaraýynsyz qalyp, 3-qabattaǵy as úıdiń ashyq turǵan terezesinen qulap ketken. Búldirshin týǵan kezinen múgedek ekeni belgili boldy. Qulaý saldarynan bala túrli dene jaraqattaryn alyp, Ekibastuz qalasy aýrýhanasynyń jansaqtaý bólimine jatqyzyldy.
«Abaısyzda jas balanyń densaýlyǵyna aýyr nemese aýyrlyǵy ortasha zııan keltirýge ákep soqqan, jas balanyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaǵany úshin 25 jastaǵy ákesine qatysty Qazaqstan Respýblıkasy QK-niń 141-baby boıynsha sotqa deıingi tergep-tekserý júrgiziledi», dep habarlaıdy Ekibastuz qalasy Polısııa basqarmasynyń bastyǵy Qaıyrjan Shaqarǵalıev.