Almaty qalasynyń kedenshileri 528 mln teńgeni zańsyz alyp ótpek bolǵandardyń jolyn kesti. Bul týraly QR QM Memlekettik kirister komıteti habarlady, dep jazady Egemen.kz.
Almaty qalasy boıynsha Memlekettik kirister departamenti «Jetisý» keden beketiniń qyzmetkerlerimen osy jyldyń basynan bastap QR ÁQBtK-niń 551 jáne 545-baptary boıynsha 103 ákimshilik materıal toltyrylǵan, sondaı-aq qylmystyq quqyq buzýshylyq belgileri bar 13 fakt anyqtalǵan.
Anyqtalǵan nemese deklarasııalanbaǵan qolma-qol aqsha qarajatynyń somasy 528 mln teńgeden asty. Osy buzýshylyqtar boıynsha salynǵan aıyppul somasy 3,2 mln teńgeni qurady.
Osylaısha, qańtarda «Almaty-Abý-Dabı» baǵytyndaǵy áýe reısiniń kedendik baqylaýynan ótkennen keıin ushyp shyǵý zalynda Qazaqstan azamatshasy toqtatyldy. Onda 57 000 AQSh dollary mólsherinde deklarasııalanbaǵan qolma-qol aqsha qarajaty tabyldy.
Aqpanda «Almaty-Ystanbul» qatynasyndaǵy áýe reısine kedendik baqylaýdy júzege asyrǵannan keıin 97 000 AQSh dollary mólsherinde deklarasııalanbaǵan qolma-qol aqsha qarajaty tabylǵan el azamatshasy toqtatyldy. Materıal Ekonomıkalyq tergeý departamentine berildi. Azamatshaǵa QR Qylmystyq kodeksiniń 234-baby boıynsha qylmystyq is qozǵaldy (ekonomıkalyq kontrabanda).
Mamyrda «Seýl-Almaty» baǵytyndaǵy áýe reısiniń kedendik baqylaýynan ótkennen keıin ushyp shyǵý zalynda QR azamatshasy toqtatyldy, onda 12 000 AQSh dollary mólsherinde qolma-qol aqsha qarajaty tabyldy.
Maýsym aıynyń basynda ushyp kelý zalynda «Dýbaı-Almaty» áýe reısin kedendik baqylaýdy júzege asyrý kezinde QR azamaty toqtatyldy, onda jeke tekserý barysynda 23 200 AQSh dollary anyqtaldy. Azamatsha ákimshilik quqyq buzýshylyq úshin jaýapkershilikke tartyldy.
Eske sala keteıik, Memleket basshysynyń 2022 jylǵy 14 naýryzdaǵy № 830 jarlyǵyna sáıkes, Qazaqstan Respýblıkasynyń Ulttyq Banki áketý kúnine belgilegen baǵam boıynsha eseptelgen jáne 10 000 (on myń) AQSh dollary balamasynan asatyn somadaǵy qolma-qol shetel valıýtasyn jáne (nemese) shetel valıýtasyndaǵy aqsha quraldaryn áketýge tyıym salynǵan.