Atyraýda astan ýlanǵandar sany 10 adamǵa jetti, onyń 9-y aýrýhanada jatyr, dep habarlaıdy Egemen.kz.
Ýlanǵandar qaladaǵy fast-fýd ázirleıtin dúńgirshekten taýyq etinen jasalǵan doner jegen. Infeksııalyq aýrýhanaǵa túsken turǵyndardyń arasynda 1 jasar sábı de bar. Dárigerler qazir naýqastardyń jaǵdaıy ortasha ekenin aıtty.
Bolǵan jaǵdaıǵa qatysty qalalyq Polısııa basqarmasy tergeý júrgizip jatyr. Qazir tıisti saraptamalar taǵaıyndalyp, kásipkerlik nysan óz jumysyn ýaqytsha toqtatty.
«Qazir on adamnyń toǵyzy ınfeksııalyq aýrýhanada em alyp jatyr. Jaǵdaılary birqalypty. Ýlanǵandardyń bárinde dene qyzýynyń temperatýrasy 40-qa deıin kóterilip, ish ótý sıpmtomdary bolǵan», dedi oblystyq Sanıtarlyq epıdemıologııalyq departament basshysynyń orynbasary Álııa Bekesheva.
Eske sala keteıik, keshe Atyraýda 9 adamnyń tamaqtan ýlanǵanyn habarlaǵan edik.