Ashat Aımaǵambetov Pavlodarǵa jumys sapary barysynda turǵyndar aldynda esep berý kezdesýinen bólek, basqa da birqatar is-shara ótkizdi. Onyń ishinde óńirdegi iri ónerkásip jáne ShOB kásiporyndary ókilderiniń qatysýymen kolledj qyzmeti máseleleri boıynsha dóńgelek ústel ótti.
Sonymen qatar aýdannyń jáne qalanyń bilim bólimderi basshylarymen, qala men aýyl mektepteriniń jáne arnaıy uıymdardyń dırektorlarymen, balabaqsha meńgerýshilerimen kezdesti.
«Kolledjder men ónerkásip kásiporyndarynyń basshylary dýaldy oqytýdy damytý, memlekettik tapsyrystardyń qunyn arttyrý, tálimgerlik qyzmetke qarajat tóleý, kásiporyndarǵa dýaldy oqytýǵa arnaıy kıim men shyǵyndalatyn materıaldarǵa qarajat bólý, kásibı standarttardy ázirleý, oqý baǵdarlamalaryn jańartýǵa qatysty suraqtar qoıdy. Sondaı-aq olar tehnıkalyq jáne kásiptik bilim berýdi damytý týraly oılaryn ortaǵa saldy.
Aýdannyń, qalanyń bilim bólimderi basshylary, qala jáne aýyl mektep dırektorlary, arnaıy uıymdar jáne balabaqsha meńgerýshilerimen kezdesýde PMPK-nyń (psıhologııalyq-medısınalyq-pedagogıkalyq komıssııa) damýy, mektepke deıingi jáne orta bilim berý, balabaqshalardy lısenzııalaýdyń mańyzdylyǵy, oqý jylyna daıyndyq, jazǵy mektep nátıjeleri jáne basqa da máselelerdi talqyladyq», delingen jazbada.