Atyraýda jeke turǵyn úıdiń janynan shuńqyr qazyp jatqan eki er adam topyraq úıindisiniń astynda qalyp, qaıtys boldy, dep habarlaıdy Egemen.kz.
Oblystyq polısııa departamentiniń baspasóz qyzmeti habarlaǵandaı, qaıǵyly oqıǵa 18 maýsymda bolǵan.
«Atyraý qalasyndaǵy «Juldyz» shaǵynaýdanynda ornalasqan jeke turǵyn úıdiń janynan eki er adam shuńqyr qazyp jatqanda sý qubyry jarylyp ketken. Sonyń saldarynan shuńqyrǵa topyraq úıindisi qulap, eki adamdy basyp qalǵan. Ekeýi de oqıǵa ornynda qaıtys boldy», delingen habarlamada.
Qaıtys bolǵandardyń biri 1989 jylǵy, ekinshisi – 1999 jyly týǵan. Qazir polısııa qyzmetkerleri osy derekke baılanysty tergeý amalyn júrgizip jatyr.
«О́zge aqparat Qylmystyq-prosestik kodeksiniń 201-babyna sáıkes jarııalaýǵa jatpaıdy», delingen habarlamada.