Abaı oblysynda avtobýs aýdarylyp, 15 adam zardap shekti, dep habarlaıdy Egemen.kz.
ShQO Polısııa departamentiniń baspasóz qyzmeti habarlaǵandaı, jol-kólik oqıǵasy 19 maýsym kúni tańǵy 04:50-de bolǵan.
«Alakól-Semeı» baǵytynda turaqty qatynaıtyn «Setra-S» markaly avtobýs Jarma aýdanynyń tusyndaǵy jolda Semeı qalasyna qaraı bara jatqan. 56 jastaǵy júrgizýshi kólik tizginine ıe bola almaı, avtobýs joldan shyǵyp, aýdarylyp ketken. Jol apaty saldarynan ekinshi júrgizýshi men 13 jolaýshy túrli dene jaraqattaryn aldy», delingen aqparatta.
Olardyń barlyǵyna alǵashqy kómek kórsetildi. Al qoǵamdyq kólik júrgizýshisi aýrýhanaǵa jetkizildi.
Qazirgi ýaqytta atalǵan fakti boıynsha QR Qylmystyq kodeksiniń 345-baby 2-bóligimen sotqa deıingi tergeý amaldary bastalyp, sot-medısınalyq saraptama taǵaıyndaldy.