22 maýsym kúni Atyraý oblysynyń ákimi Serik Shápkenov Jylyoı máslıhatynyń depýtattaryna QR Prezıdenti Ákimshiligimen kelisilgen jańa ákimniń kandıdatýrasyn usyndy. Aýdan ákimi laýazymyna jańa kandıdat Jumabek Qarajanov boldy, dep habarlaıdy Egemen.kz oblys ákiminiń baspasóz qyzmetine silteme jasap.
Jumabek Qarajanov Qazaqstan-Brıtan tehnıkalyq ýnıversıtetin, Qazaqstan Respýblıkasy Prezıdentiniń janyndaǵy Memlekettik basqarý akademııasyn «Ekonomıka jáne bıznes» mamandyǵy boıynsha bitirgen. Ekonomıka jáne bıznes magıstri dárejesi jáne memlekettik aýdıtor sertıfıkaty bar.2011-2012 jyldary «Jasulan jáne Kompanııa» JShS-de ekonomıst bolyp jumys istedi.2012-2014 jyldary «Atyraý oblysy boıynsha tekserý komıssııasy» MM ártúrli laýazymdarynda jumys istedi.2014-2017 jyldary «Atyraý oblysy boıynsha tekserý komıssııasy» MM memleket bıýdjetteri men aktıvterin baqylaý № 3 bóliminiń basshysy bolyp jumys istedi.2017-2018 jyldary «Atyraý oblysy boıynsha tekserý komıssııasy» MM sapany baqylaý, ishki aýdıt, uıymdastyrý-quqyqtyq qamtamasyz etý jáne personaldy basqarý qyzmeti bóliminiń basshysy.2018-2019 jyldary «Atyraý oblysy boıynsha tekserý komıssııasy» MM apparatynyń basshysy.2019 jyldyń aqpan aıynan bastap búginge deıin Atyraý qalasy ákiminiń orynbasary qyzmetin atqardy.Depýtattar oblys ákimi usynǵan kandıdatýrany qoldady.Aımaq basshysy Serik Shápkenov Jumabek Qarajanovqa aýdannyń áleýmettik-ekonomıkalyq damýyna qatysty birqatar naqty tapsyrma berdi.