Aqmola oblysy tótenshe jaǵdaılar departamenti baspasóz qyzmetiniń habarlaýynsha, jaqyn jerde bolǵan adamdar qyzdardy qutqaryp qalý úshin sýǵa sekirgen.
«Qutqarýshylar oqıǵa ornyna jetkennen keıin eki qyzdyń tez arada qutqarylǵany týraly belgili boldy. 2008 jyly týǵan úshinshi qyz birneshe mınýt sýǵa tunshyǵyp qalǵan. Jasóspirimdi jaǵaǵa alyp shyqqan kezde ol es-tússiz jatqan», dep habarlady Aqmola oblysy tótenshe jaǵdaılar departamentiniń baspasóz qyzmeti.
Kól jaǵasynda demalyp jatqandardyń biri zardap shekken qyzǵa alǵashqy medısınalyq kómek kórsetip, ony búıirmen jatqyzǵan. Qyzdyń tamyr soǵysy álsiz bolǵan. Qutqarýshylar oǵan medısınalyq kómek kórsetýdi jalǵastyryp, zembilmen jedel járdem kóligine jetkizdi.
Zardap shekken qyz «ókpe isinýi» dıagnozymen jansaqtaý bóliminde jatyr.
Aqmola oblysynyń tótenshe jaǵdaılar departamenti sýǵa shomylý kezinde qarapaıym qaýipsizdik erejelerin saqtaý qajettigi týraly eske saldy.
Aıana Toǵanbek