Qurlyqtyq hokkeı lıgasynda (QHL) kúsh synasyp júrgen Nur-Sultannyń «Barysy» 2022/23 jylǵy maýsymǵa qalaı daıarlanatynyn jarııa etti.
Elordalyq klýb qazir demalysta. 14 shildede olar Nur-Sultanda bas qosady. Dárigerlik tekseristen ótkennen soń bir aıǵa jýyq elordada jattyǵady. 16-20 tamyz aralyǵynda Qazaqstan Prezıdenti kýbogyna qatysady. Atalǵan jarysta «Barystan» bólek, Magnıtogorskiniń «Metallýrg», Ekaterınbýrgtiń «Avtomobılıst», Nıjnekamskiniń «Neftehımık» jáne Beıjińniń «Kýnlýn Red Star» klýbtary óner kórsetedi. Sodan keıin Reseıdiń Chelıabi qalasyna sapar shegedi. Bul jerde jerlesterimiz «Metallýrg», «Avtomobılıst» jáne jergilikti «Traktormen» birge Gýbernator kýbogyn sarapqa salady.
Al QHL-dyń turaqty birinshiligi 1 qyrkúıekte bastalady. Shyǵys konferensııasynda baq synaıtyn «Barysty» aldaǵy maýsymǵa Belarýs mamany Andreı Skabelka jattyqtyrady.