QR Indýstrııa jáne ınfraqurylymdyq damý mınıstriniń buıryǵymen Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary qyzmetine Baýyrjan Qabdol taǵaıyndaldy, dep jazady Egemen.kz.
Baýyrjan Jaleluly Qabdol 1978 jylǵy 4 qańtarda dúnıege kelgen.
Ortalyq Azııa Ýnıversıtetin, Reseı Federasııasy Prezıdentiniń janyndaǵy Reseı halyq sharýashylyǵy jáne memlekettik basqarý akademııasyn támamdaǵan.
Kásibı mamandanǵan salalary – ónerkásiptik jáne azamattyq qurylys, qarjy jáne nesıe.
Eńbek jolyn 2003 jyly «Uniserv» JShS ekspedıtory bolyp bastaǵan.
Ár jyldary «Uniserv» JShS kommersııalyq dırektory, bas dırektorynyń birinshi orynbasary, Batys Qazaqstan fılıalynyń dırektory laýazymdarynda eńbek etken.
2021 jyldyń sáýir aıynan bastap búginge deıin Aqtóbe oblysynyń qurylys, sáýlet jáne qala qurylysy basqarmasy basshysynyń orynbasary qyzmetin atqardy.