«Qazposhta» AQ jeke tulǵalardy artyq shyǵynnan aryltyp, qarajatty bir-birine aýdarýǵa múmkindik beredi. Atap aıtqanda, Qazaqstan Respýblıkasynyń jeke tulǵalary qarjy ınstıtýttarynyń, jedel tólem júıesine (budan ári – JMJ) qatysýshylardyń paıdasyna tek 1 teńgelik komıssııa arqyly jarty mıllıon teńgege deıingi aqsha aýdara alady.
Mundaı aýdarym Qazposhtanyń Rost.kz mobıldi qosymshasy arqyly telefon nómirimen júzege asyrylady. Aýdarym klıentterdiń bank shotyna birden túsedi.
Tıimdi qyzmetke qol jetkizý ońaı. Jeke tulǵa Qazposhtadaǵy jaramdy bank shotyn tańdap, oǵan JMJ belgisin qoıýy kerek. Muny Post.kz mobıldi qosymshasyndaǵy jeke kabınette onlaın-rejimde jasaýǵa bolady.
Aqsha aýdarymyn 4 qadammen júzege asyrýǵa bolady:
«JMJ arqyly telefon nómiri boıynsha aýdarymdar» bólimine ótý. Aqsha aýdarý josparlanǵan banktik shotty tańdaý. Alýshynyń telefon nómirin engizý nemese telefon kitapshasynan tańdaý. Alýshy bankti tańdap, aýdarym somasyn kórsetý.Aýdarma júzege asyryldy!
Aýdarym Ulttyq bank iske qosqan lezdik tólem júıesimen qoljetimdi. Mundaı jańartýdy Post.kz telefon nómirimen Android jáne iOS negizindegi smartfon ıeleri qoldana alady.