Ulttyq komıssııa múshesi, Abaı oblysy «Semeı tańy» gazetiniń bas redaktory Rıza Moldasheva bilim berý júıesin jetildirýdi basym baǵyt retinde qarastyryp júrgenin aıtty, dep habarlaıdy Egemen.kz.
Ol Prezıdent janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııanyń kezekti otyrysynda ulttyń tutas psıhologııasyn, fılosofııasyn, etıkasy men mádenıetin, pedagogıkasyn qalyptastyrǵan uly tulǵalarymyzdyń kózqarasy negizinde «Mektepke deıingi jáne bastaýysh mektep mekemelerindegi tárbıe tujyrymdamasyn» jasaýdy usyndy.
«О́ıtkeni aqparattyq tehnologııalardyń tasqyny rýhanı qundylyqtardy tyqsyryp barady. Áleýmettik jelide baldyrǵandarǵa kórsetip jatqan zorlyq-zombylyq týraly vıdeolardan, jarııalanymdardan kóz súrinedi. Ulttyq tárbıe kózi rýhanı qundylyq retinde baǵalanbaı, joıylyp bara ma degen alańdaýshylyq bar», dedi komıssııa múshesi óz sózinde.
Sondaı-aq ol áleýmettik jelidegi túsinikter teketiresi nátıjesinde «uıatmen» degen jańa uǵym paıda bolǵanyn da aıtty.
«Uıat. Obal. Saýap. Bizdi ult retinde saqtaýshy ata-babadan kele jatqan osy úsh qaǵıda edi. Búgin áleýmettik jelidegi túsinikter teketiresi nátıjesinde «uıatmen» degen jańa uǵym paıda boldy. Sondyqtan mektep oqýshylaryna medıasaýattylyq pen sıfrlyq saýattylyqty úıretý zaman talabyna aınalyp otyr», dep atap ótti ol.