Memleket basshysynyń tapsyrmasy boıynsha jalǵyzbasty ata-analardyń qashyqtan jumys isteý quqyǵyn zańnamalyq turǵydan bekitý máselesi pysyqtalýda. Bul týraly Prezıdent janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııanyń kezekti otyrysynda aıtyldy, dep habarlaıdy Egemen.kz.
«Bizdiń otandastarymyzdyń ómirinde «jumys» jáne «otbasy» arasyndaǵy teńsizdikti baıqap otyrmyz. Memleket basshysynyń tapsyrmasy boıynsha jalǵyzbasty ata-analardyń qashyqtan jumys isteý quqyǵyn zańnamalyq turǵydan bekitý máselesi pysyqtalýda. Bul rette sarapshylar kámelettik jasqa tolmaǵan balalary bar ata-analardyń barlyǵy birdeı quqyqqa ıe bolýy kerek dep esepteıdi. Osy máselege qatysty biz de ýákiletti organǵa tıisti usynystar engizdik», dedi Aqparat jáne qoǵamdyq damý vıse-mınıstri Aleksandr Danılov.