Almatyda saýda oıyn-saýyq ortalyqtarynyń birine bomba qoıylǵany týraly habar jalǵan bolyp shyqty, dep habarlaıdy Egemen.kz.
Almaty qalalyq polısııa departamentiniń málimetinshe, búgin 10:04 shamasynda 102 pýltine saýda oıyn-saýyq ortalyǵyna bomba qoıylǵany týraly qońyraý túsken.
«Saýda oıyn-saýyq ortalyǵynyń ákimshiligi, kúzet qyzmeti jáne quqyq qorǵaý organdary jalǵa alýshylar men kelýshilerdi evakýasııalaý úshin, sondaı-aq quqyq qorǵaý organdarynyń is-sharalardy odan ári júzege asyrýy úshin tıisti ssenarıı ázirledi. Qysqa merzimde qabyldanǵan is-sharalar nátıjesinde habarlamanyń jalǵan ekendigi anyqtaldy», dep habarlady vedomstvodan.