Qarjylyq monıtorıng agenttiginiń Almaty oblysy boıynsha departamenti jedel izdestirý sharalary barysynda qoldan jasalǵan esepke alý-baqylaý tańbasy bar sýrrogat alkogol ónimin óndirgen jasyryn sehty áshkereledi, dep habarlaıdy Egemen.kz.
Almaty oblysy Ile aýdanynyń turǵyny jeke úı aýmaǵyndaǵy úı-jaıda antısanıtarııalyq jaǵdaıda qoldan alkogol ónimderin zańsyz daıyndaǵan.
Oqıǵa bolǵan jerdi tekserý barysynda esepke alý baqylaý markalary, alkogol ónimi, spırt jáne alkogol ónimderin quıýǵa jáne daıyndaýǵa arnalǵan túrli zattar tabylyp tárkilendi.
Atalǵan fakti boıynsha sotqa deıingi tergeý bastaldy.
QR Qylmystyq-prosesstik kodeksiniń 201-babyna sáıkes ózge málimetter jarııalanbaıdy.