О́ndiris órisi

Innovasııalyq granttyń kómegimen un­taq polıpropılendi túıirshikteý tehnologııa­sy ıgerilýde. Bul – Indýstrııalyq-ınno­vasııalyq baǵdarlamanyń taǵy bir jemisi. Atalǵan tehnologııany engizý «Nef­te­hım LTD» otandyq kásiporny men «Teh­nologııalyq damý jónindegi ulttyq agenttik» AQ arasyndaǵy ınnovasııalyq grant alý týraly kelisimshart sheńberinde júzege asyp otyr. Kelisimshartqa sáıkes, grant ıesine qarjy joba iske asyrylǵannan keıin naqty shyǵynnyń jartysyn óteý arqyly beriledi. Kompanııanyń dırektory Erlan Qusa­nov­­tyń aıtýynsha, atalǵan joba 2014 jyl­dyń aıaǵyna deıin aıaqtalýy tıis. «Untaq polı­p­ropılendi túıirshikteý tehnologııa­syn qoldaný kásiporynnyń óndiristik-sha­rýa­shylyq qyzmetiniń tıimdiligin jáne eń­bek ónimdiligin aıtarlyqtaı arttyrýǵa múm­­kindik beredi. Tehnologııalyq damý jó­nin­degi ulttyq agenttiktiń qoldaýymen kásip­­orynnyń ınvestısııalyq jobalary iske asyrylýda», deıdi kásiporynnyń jetekshisi. Untaq polıpropılen – bul túrli plastmassa ónimderin, ıaǵnı, polıpropılen qap­ta­ryn, qubyrlar, talshyqtar men ózge de taýar­lar shyǵarý úshin arnalǵan polımer. Túıir­shiktelgen polıpropılen materıaldar mólsherleýge, saqtaýǵa, tasymaldaýǵa óte yńǵaıly. So­nymen qatar, ol qoımalarda saq­taýǵa da qolaıly, kólemi oryndy kóp almaı­dy. «Neftehım LTD» kompanııasy búginde Pavlodardaǵy óndirisi óristep kele jatqan biregeı kásiporyndardyń biri. Al endi atalǵan ınnovasııany engizý óndiristi odan ári jandandyra túspek. Sebebi, qondyrǵyny ınfraqurylymnyń janynda ornatý daıyn ónimniń ózindik qunyn azaıtady, soǵan baılanysty baǵasy basqa uqsas taýar óndirýshilerge qaraǵanda tómen bolmaq. Bul ónimge degen suranysty ulǵaıtýǵa, jetkizý naryǵyn keńeıtýge, sol arqyly kásiporynnyń qýatyn barynsha ıgerýge múmkindik beredi. Eń bas­tysy, ınnovasııaǵa negizdelgen mundaı ónimder erteńgi Eýrazııalyq ekonomıkalyq keńistikte básekege tótep berer ónimniń biri bolaryna senim zor. Dınara BITIKOVA, «Egemen Qazaqstan».