Qańtar oqıǵasy kezinde zardap shekken shaǵyn jáne orta bıznes sýbektilerine ótemaqy tóleý aıaqtaldy, dep habarlaıdy Egemen.kz.
Almaty ákimi Erbolat Dosaevtyń aıtýynsha, barlyǵy 14,5 mlrd teńgege 1 594 ótinim maquldandy.
«Shaǵyn jáne orta bıznes – qala ekonomıkasynyń negizi. Onda eńbekke qabiletti halyqtyń 64%-ti jumys isteıdi. Sondyqtan bıznesti qoldaýǵa erekshe kóńil bólinedi. 2022 jyly bıýdjetten qosymsha 5 mlrd teńge bólinip, 46,9 mlrd teńgege deıin ulǵaıtyldy. Búginde 16,5 mlrd teńgege shaǵyn jáne orta bıznestiń 219 jobasy qarjylandyryldy. 1 maýsymda jumys isteıtin kásiporyndar sany 19,5%-ke ósti», dedi Erbolat Dosaev Ortalyq kommýnıkasııalar qyzmeti alańyndaǵy brıfıngte.
Aıta keteıik, Almatyda qańtar oqıǵasy kezinde 1 600-ge jýyq bıznes sýbektisi zardap shekti. Onyń 96 paıyzy shaǵyn jáne orta bıznes ókilderine tıesili.
Aıana Toǵanbek