Bolon prosesi baqylaý tobynyń otyrysynda teń tóraǵalyqty jyldyń sońyna deıin Qazaqstan men Chehııaǵa ótkizý talqylandy. Teń tóraǵalar 2-3 jylda bir ret ótkiziletin eýropalyq joǵary bilim keńistigi mınıstrleriniń konferensııalary arasyndaǵy kezeńde Bolon prosesin basqarýdyń atqarýshy organy sanalatyn BFUG basqarýshy keńesiniń quramyna kiredi, dep habarlaıdy Egemen.kz.
Onlaın-otyrysqa Fransııa jáne Ázerbaıjan bilim mınıstrlikteriniń, Chehııa men Qazaqstannyń, sondaı-aq Albanııanyń ókilderi qatysty.
Shyǵýshy teń tóraǵalar ótken jartyjyldyqta atqarylǵan jumys týraly esep berip, Bolon prosesindegi tájirıbesimen bólisti.
Jıyn barysynda qatysýshylar 2022 jyldyń ekinshi jartyjyldyǵyna arnalǵan BFUG 2021-2024 jumys josparynyń is-sharalarymen tanysty. Qazaqstan Ortalyq Azııa elderi arasynda Bolon prosesi qaǵıdattaryn ilgeriletýge baǵyttalǵan is-sharalar josparyn usyndy. Jospar jańa syn-qaterler jaǵdaıynda joǵary bilim berýdi damytýdyń jańa úrdisterin engizýdi, joǵary oqý oryndarynyń avtonomııasyn keńeıtýdi, ınnovasııalyq jáne sıfrlyq ekojúıeni qalyptastyrýdy, sondaı-aq Ortalyq Azııa bilim habyn qalyptastyrýdy kózdeıdi.
«Qazaqstan óńirdegi joǵary oqý oryndarynyń ǵylymı, zııatkerlik jáne shyǵarmashylyq áleýetin biriktirý úshin joǵary bilimniń biryńǵaı Ortalyq Azııa keńistigin qurýǵa kúsh-jigerin jumyldyrady. Bul joǵary oqý oryndarynyń stýdentteri men professorlyq-oqytýshylyq quramyna bilim, tájirıbe almasýǵa jáne birlesken zertteýlerge qatysýǵa múmkindik beredi», dedi QR Ǵylym jáne joǵary bilim mınıstri Saıasat Nurbek.
Aıta ketsek, 5 qazanda elordada BFUG keńesiniń otyrysy ótedi. Atalǵan sharada Bolon prosesin damytýdyń aǵymdaǵy máseleleri talqylanyp, qol jetkizilgen progress baǵalanady.