Qostanaıdaǵy jastar saraıynda «Kostanay business show 2022» atty respýblıkalyq bıznes-jármeńke ótti. Osymen tórtinshi ret uıymdastyrylyp otyrǵan eki kúndik sharaǵa Qostanaı, Aqtóbe, Qaraǵandy oblystarynan óndiris, saýda jáne qyzmet kórsetý salasynda eńbek etip júrgen 100-den astam kásipker qatysty.
Uıymdastyrýshylardyń aıtýynsha, shaǵyn jáne orta bıznesti qoldaý maqsatynda ótip jatqan dástúrli shara kásipkerlerdiń ózara tájirıbe almasýyna, sondaı-aq saýda keńistigi men qyzmet kórsetý aıasyn keńeıtýine múmkindik beredi. Sonymen qatar atalǵan bıznes jármeńke aımaqaralyq baılanystardy nyǵaıtýǵa jol ashady.
– Búgingi bıznes-jármeńkeniń eń basty maqsaty – kásipkerlerge óz ónimderin kópshilikke jan-jaqty tanystyryp, týrasyn aıtqanda nasıhattaýǵa múmkindik berý. Is-sharaǵa qatysýshylar bir-birimen tanysyp, ortaq jobalar shyǵarsa deımiz. Sonymen qatar munda memlekettik qoldaý tetikterin iske asyratyn qarjy uıymdary men tıisti mekemelerdi de shaqyryp otyrmyz, – deıdi is-sharany uıymdastyrýshy «Jas Atameken» klýbynyń jetekshisi Zarına Kókjanova.
Jármeńke barysynda táýelsiz qazylar alqasy «О́ndiris», «Saýda», «Qolóner», «Qyzmet kórsetý» jáne «Taǵam óndirisi» baǵyttary boıynsha 5 jeńimpazdy anyqtady. Sonymen qatar sharany tamashalaýǵa kelgen qala turǵyndarynyń daýys berýi arqyly «Halyq tańdaýyna» ıe bolǵan jeńimpaz anyqtaldy.
Qostanaı oblysy