Semeı qalasynda eki adamnyń kóligin satyp alamyn dep aldap ketken alaıaq ustaldy, dep habarlaıdy Egemen.kz ShQO polısııa departamenti baspasóz qyzmetine silteme jasap.
Vedomstvo málimetine sáıkes, 102 jedel arnasyna 39 jastaǵy qala turǵyny habarlasqan. Onyń aıtýynsha, ózin áńgimege tartqan tanymaıtyn er adamnyń «VAZ» kóligin satyp alatyndyǵyn aıtyp sendirgen. Alaıda alaıaq avtokólikti alǵannan keıin aqsha tólemeı, habar-osharsyz ketken.
«Jedel-izdestirý sharalaryn júrgizgen polısııa qyzmetkerleri kúdiktini ustady. Jarma aýdanynyń 27 jastaǵy turǵyny jaýap alý kezinde óz kinásin moıyndady. Sondaı-aq er adamnyń taǵy bir jábirlenýshini aldaǵany belgili boldy», delingen habarlamada.
27 jastaǵy semeılik áıel maýsym aıynyń sońynda polısııaǵa júgingen. Jábirlenýshiniń aıtýynsha, jalǵan satyp alýshy dál osyndaı jolmen onyń «VAZ» kóligin aldap aldy. Zardap shegýshige keltirilgen materıaldyq zalaldyń jalpy somasy 1 500 000 teńgeden asty. Ustalǵan adam qolhatpen bosatyldy. Atalǵan fakti boıynsha QK-tiń 190-babyna (alaıaqtyq) sáıkes sotqa deıingi tergeý amaldary júrgizilýde.