Qazaqstan halqynyń basty baılyǵy – elimizdiń táýelsizdigi. Ol bizdiń jerimiz, dástúrimiz, balalarymyzdyń bolashaǵy. Tarıhı ólshemmen alyp qaraǵanda az ǵana ýaqyt ishinde elimizdiń ómiri túbegeıli ózgerdi. Otanshyldyq rýhta tárbıelengen jańa býyn ósip shyqty. Qazirgi álemdik úderisterden qalyspaıtyn bilimdi, izdenimpaz urpaq úshin Qazaqstan turaqty damyǵan dińgekke aınalýy tıis. Osy jolda biz úshin eń mańyzdy qundylyqtarymyzdy, ulttyq múddemizdi qorǵaý isi Ulttyq qaýipsizdik komıtetine júktelgen.
Qoǵamnyń qaýipsizdigi men turaqtylyǵyna nuqsan keltiretin erekshe qaýip-qaterlerdiń aldyn alý, terrorızm, tyńshylyq, transulttyq qylmystyq qaýymdastyqtar men esirtki kartelderiniń jolyn kesý – elimizdiń arnaıy qyzmetiniń kúndelikti tynysy. Kez kelgen daǵdarystar qylmystyń órshýine jol ashatyny jasyryn emes. Zańdy belinen basyp, jymysqy oılaryn iske asyrýdy kózdegen qylmyskerler memlekettik júıeniń álsiz tustaryn ańdyp, qoǵamdaǵy prosesterdi jiti baqylaıtyny anyq. Táýelsizdiktiń 30 jyldyǵy qarsańynda Qazaqstan Respýblıkasynyń UQK tıimdi qyzmetiniń arqasynda el ishindegi turaqtylyq pen beıbitshiliktiń kepili bolyp keledi.
Jańa Qazaqstanda kóptegen irgeli zattarǵa, sonyń ishinde ulttyq qaýipsizdik organdaryna da jańa kózqaras qajet. Memleket basshysy Qasym-Jomart Kemeluly Toqaev Komıtetke úlken senim artyp, ulttyq qaýipsizdikti qamtamasyz etý boıynsha jaýapty mıssııa júktedi. Búgingi tańda Ulttyq qaýipsizdik komıtetiniń áleýeti syrtqy jaýdyń jasyryn áreketterinen senimdi qorǵaýǵa jáne Qazaqstannyń konstıtýsııalyq negizderiniń myzǵymastyǵyn qamtamasyz etýge qabiletti.
1992 jylǵy 13 shildede qurylǵan Ulttyq qaýipsizdik komıteti táýelsizdigimizdi nyǵaıtý jolyndaǵy mańyzdy qadam boldy. Bıyl Qazaqstan Respýblıkasynyń ulttyq qaýipsizdik organdarynyń qurylǵanyna 30 jyl toldy. Uly ata-babalarymyzdyń ósıeti – Otanǵa adal qyzmet etý mıssııasy elimizdiń bas arnaıy qyzmetiniń árbir qyzmetkeri úshin qasıetti borysh.
Otyz jyl ishinde UQK aýqymdy ister atqaryp, ázirge jarııa etýge jatpaıtyn operasııalardy júrgizdi. Bul – kásibı agentýrısterdiń, tergeýshilerdiń, taldaýshylardyń kúndelikti jáne tynymsyz jumysynyń nátıjesi. Dańqty isterdiń, batyrlyq oqıǵalar men jarqyn kúnderdiń qatarynda – «Nabat», «Sapfır», «Vıktorııa» arnaıy operasııalarynyń «altyn toptamasy» bar... О́z ómirin Otanǵa qyzmet etýge arnaǵan ardagerlik korpýsqa únemi alǵys pen qurmet bildirý mereıtoılyq kúnderdiń dástúrlerine aınalǵaly qashan. Álemdik tájirıbede teńdessiz dep tanylǵan «Jýsan» operasııasy Komıtetimizdiń kásibıliginiń eń bıik dárejesin kórsetti.
Búginde halyqaralyq terrorızm men ekstremızmge qarsy tabysty is-qımyl jasap, uıymdasqan qylmys pen sybaılas jemqorlyqqa tosqaýyl qoıyp, memlekettik shekarany senimdi qorǵap júrgenderdiń kásibıligi men otanshyldyq sezimderin joǵary baǵalaımyz. О́z ómiriniń jastyq shaǵynan bastap qurmetti ardager ataǵyna deıin UQK organdarynda qyzmet qylý naǵyz erge tán ıgi qasıet.
Qyzmetkerlerdiń kúndelikti tynymsyz eńbegi, qıyndyqqa qaramaı, keıde densaýlyǵy men ómirine qaýip tónse de Otandy qorǵaýǵa bar kúshin salatyn Komıtettiń ár qyzmetker týraly jeke aıtýǵa bolar edi.
Qazirgi kezeńde eldiń ulttyq qaýipsizdigin qamtamasyz etý júıesinde syrtqy barlaý erekshe oryn alady. Álemde «qymbat barlaý arzan soǵystan góri jaqsy» degen tirkestiń bolýy tegin emes. Táýelsizdik jyldarynda keń aýqymdy mindetterdi tabysty sheshetin tolyqqandy barlaý qyzmeti quryldy. Árıne, ony qurý barysynda jetekshi sheteldik arnaıy qyzmetterdiń tájirıbeleri eskerildi.
Búginde UQK-niń qyzmeti jańa formatqa kóshe bastady. Otandyq qyzmettiń biregeı tájirıbesi el ishine búlik salýdy kózdegen teris baǵyttaǵy kúshterge qarsy turýda jaqsy nátıjeler bere bastady. Tek osy jylda zańsyz aınalymnan 691 birlik qarý, 54 granata jáne 17 000 oq-dári alyndy. Atys qarýy men oq-dárilerdi satýmen aınalysatyn qylmystyq toptardyń is-áreketiniń joly kesildi, jasyryn oryndar anyqtaldy.
Antıterror qyzmetiniń aldynda da aýqymdy mindetter tur. Búginde Qazaqstan azamattaryn radıkaldy ortalarǵa, onyń ishinde sheteldegi halyqaralyq terrorıstik uıymdardyń qataryna tartý qaýpi seıilmeı tur. Bul baǵytta UQK ótken jyly terrorıstik sıpattaǵy 3 zorlyq-zombylyqtyń, bıyl bir terrorlyq shabýylǵa daıyndyq kezeńinde jolyn kesti. Jedel jaýyngerlik ázirlikti joǵary ustaý úshin Terrorızmge qarsy ortalyqtyń shtaby úsh komandalyq-shtabtyq jáne 29 jedel-taktıkalyq oqý-jattyǵý ótkizdi.
Esirtki bıznesine qarsy kúreske kelsek, osy jyldyń birinshi toqsanynda UQK qyzmetkerleri 15 esirtki zerthanasynyń jumysyn toqtatty, 23 halyqaralyq jáne 40 óńirlik esirtki arnalaryn joıdy. 680 kg túrli esirtki jáne 8 tonna prekýrsorlar tárkilendi.
Eldiń kıberqaýipsizdigine, komıtettiń, onyń bólimsheleri men vedomstvolarynyń aqparattandyrý saıasatyna erekshe nazar aýdarylǵan. Avtomattandyrý prosesteriniń qarqyndy damýy, aqparattyq tehnologııalardyń qazirgi ómirdiń barlyq salalaryna enýi resýrstar men derekterge ruqsatsyz qol jetkizýdiń jańa múmkindikterine, sondaı-aq olardyń joǵary osaldyǵy men buǵattalýyna ákeldi. Memlekettik organdardyń aqparattyq resýrstary jappaı kompıýterlik shabýyldarǵa ushyrap, erekshe qyzyǵýshylyq týyndatady.
Bul shabýyldyń aýqymyn mynadan-aq baıqaı alamyz: О́tken jyly «Internetke qoljetimdiliktiń biryńǵaı shlıýzine» jáne «Memlekettik organdardyń elektrondyq poshtasynyń biryńǵaı shlıýzine» 150 mln astam aqparattyq qaýipsizdiktiń qateri, sonyń ishinde memlekettik organdardyń atyna 35 mln jýyq zııandy hattar kelgen.
Kıbershabýyl faktileri anyqtalyp, joly kesildi. Olardyń keıbireýleri eldiń aqparattyq-kommýnıkasııalyq ınfraqurylymynyń mańyzdy obektilerine qol suǵýdy kózdegen. Osy baǵyttaǵy komıtet jumysynyń nátıjeleri Qazaqstan Respýblıkasy Prezıdentiniń joǵary baǵasyna jáne qoldaýyna ıe bolǵanyn aıta ketken jón.
UQK yntymaqtastyq sheńberinde jaqyn jáne alys shetelderdiń sheteldik seriktesterimen birlesken operasııalardy keń kólemde júrgizedi. Táýelsizdiktiń alǵashqy onjyldyǵynda memlekettik shekaranyń jańa ýchaskelerinde shekara ınfraqurylymyn qalyptastyrý boıynsha qyrýar jumys atqaryldy. Jańa birlestikter, quramalar men bólimder, jedel áreket etý kúshteri quryldy. Dál osy kezeńde Qazaqstan Respýblıkasynyń Memlekettik shekarasynyń qorǵalatyn jáne baqylanatyn ýchaskesiniń uzaqtyǵy 5 eseden astam ulǵaıdy. Al 30 jyldyq damý tarıhymyzda bul kórsetkishter 10 eseden asaǵa ulǵaıyp, 1700 km 15 myń km astam qurlyq jáne teńiz ýchaskeleri qamtyldy.
Shekara qyzmeti «Sıfrlyq Qazaqstan» Memlekettik baǵdarlamasyn iske asyrý sheńberinde 2021 jyldan bastap jumysyn elektrondyq formatta júrgizýge múmkindik beretin jańa tehnıkalyq quraldarmen jaraqtandyrylǵan. Shekarany qorǵaýdyń ozyq quraldary, onyń ishinde ushqyshsyz ushý apparaty, alys qashyqtyqtaǵy mobıldi optıkalyq-elektrondyq baqylaý júıeleri jáne taǵy basqa quraldar satyp alyndy. Bólimsheler barynsha zamanaýı shekaralyq baqylaý jabdyqtarymen, kıim-keshekpen, amýnısııamen, jaraqtarmen jaraqtandyrylǵan.
Árıne, alǵashqy nátıjeler de kóp kúttirgen joq. Jyl basynan beri memlekettik shekarany qorǵaý salasynda 2315 tártip buzýshy ustaldy. Kaspııde 110 aýmaqtyq sý rejımin buzýshylardyń joly kesilip, 466 085 shaqyrym brakonerlik aýlaý quraldary tárkilendi. Memleketke kelýi múmkin 1,9 mlrd teńgeden astam shyǵynǵa jol berilmedi.
Sóz sońynda Komıtettiń kadrlyq quramy jaıynda toqtalsaq, olar elimizdiń naǵyz patrıottary, tolyqtaı jáne qaldyqsyz ózderin qyzmetke arnaǵan adamdar dep aıtýǵa tolyq negiz bar.
Qazaqstanda bolashaq ofıserlerdi daıarlaýdyń zamanaýı júıesi qalyptasty. Aldyńǵy qatarly áskerı oqý oryndary – UQK Akademııasy jáne UQK Shekara akademııasy qyzmet atqarady. Búgingi tańda taldaý qabiletteri, strategııalyq kózqaras pen qazirgi zamanǵy syn-qaterler men qaýipterdi tereń túsininetin, sondaı-aq shynaıy patrıotızm men antqa adal qyzmetkerlerdiń arnaıy qyzmetke kelýine jaǵdaı jasalǵan.
Qazirgi ýaqytta elimizde jeke adamnyń, qoǵam men memlekettiń qorǵalý deńgeıin arttyrý úshin barlyq sharalar qabyldandy. Ulttyq qaýipsizdiktiń jańǵyrtylǵan júıesi kez kelgen kúrdeli syn-qaterlerge qarsy turýǵa daıyn bolýǵa tıis.