Búginde bul eń senimdi tásilderiniń birine aınalyp otyr. О́tken jyly da shalǵaı aýyldardyń myńdaǵan túlekteri qujattaryn osylaı tapsyrǵan, dep habarlaıdy Egemen.kz Ǵylym jáne joǵary bilim mınıstrligine silteme jasap.
Bıyl da joǵary oqý oryndary vırtýaldy keńselerin qaıta ashty, qabyldaý komıssııalary alǵashqy jumys kúnderinen bastap ótinishterdi onlaın qabyldaýǵa ázir. Munda ýnıversıtet qyzmetkerleri qajetti keńes pen nusqaýlyq berip, beıne baılanys arqyly qujattardy qabyldaıdy.
«Qyzmet kórsetýdiń tıimdiligi men jyldamdyǵyn arttyrý maqsatynda sondaı-aq aýa raıynyń aptap ystyǵy jaǵdaıynda qyzmetkerlerdiń shtaty keńeıtildi. Qyzmet kórsetýge stýdentter qatarynan eriktiler toby tartylýda.
Bıyl bilim berý granttaryn taǵaıyndaý konkýrsyna qatysý úshin qujattardy qabyldaý 2022 jyldyń 13-20 shilde aralyǵynda júzege asyrylmaq. Sondyqtan Egov elektrondy úkimet portalyndaǵy ýaqytsha olqylyqtar talapkerlerdiń qyzmet kórsetý sapasyna jáne qujattar tapsyrýyna esh keri áserin tıgizbeıdi», delingen vedomstvo aqparatynda.
Ýnıversıtetter men vırtýaldy qabyldaý komıssııalary úshin barlyq qajetti baılanys aqparattary Ulttyq testileý ortalyǵynyń www.testcenter.kz saıtynda ornalasqan.