Keshe birqatar BAQ-ta jaqyn shet elderden Qazaqstanǵa avtokólik ákelýge shekteý engiziledi degen jańalyq jarııalandy. Aqparat úkimet basshysynyń depýtattyq saýalǵa bergen jaýabynan alynǵan. Premer-Mınıstrdiń baspasóz qyzmeti osyǵan qatysty túsinikteme berdi.
«Búgingi tańda sheteldik kólikterdi zańnamany buza otyryp elge ákelý jaǵdaılary jıilep ketti. Atap aıtqanda, urlanǵan nemese kepilge qoıylǵan, jalǵan nómir taǵylǵan kólikterdi paıdalaný faktileri anyqtalyp jatyr. Osyǵan baılanysty Qazaqstanǵa «problemalyq» avtokólikti ákelýdiń aldyn alý jáne jalpy ákimshilendirýdi jaqsartý úshin Kólik quraldaryn ákelý erejeleri (ýaqytsha erejelerdi qosa alǵanda) ázirlenýde. Onda mundaı avtomobılderge baqylaýdy kúsheıtý, tipti olardy elge ákelýdi shekteýdi kózdeıtin tetikter qarastyrylady», delingen habarlamada.
Úkimet bul sharalar shet memleketterde tirkelgen, el aýmaǵyna zańdy jolmen ákelingen jáne zańdy buzbaı paıdalanylatyn avtokólikterge qoldanylmaıtynyn atap ótti.
Premer-Mınıstr baspasóz qyzmetiniń aqparatynsha, byltyr basqa elderdiń quqyq qorǵaý organdarymen salystyrý qorytyndysy boıynsha Qazaqstanǵa ákelingen 35 myńnan astam avtomobıldiń bank tarapynan jáne zań boıynsha shekteýleri bolǵany anyqtaldy.
Sonymen qatar 600-den astam kólik elge ákelý kezinde EAEO-ǵa múshe elderdiń quqyq qorǵaý organdarynyń izdestirýinde bolyp shyqty.