Memleket basshysy Qasym-Jomart Toqaev Úkimettiń keńeıtilgen otyrysynda ınflıasııa jappaı ósýi múmkin ekenin atap ótti, dep habarlaıdy Egemen.kz.
«Halyqaralyq ınstıtýttar álemdik ekonomıka qarqyny báseńdeıdi degen boljam aıtýda. Soǵan sáıkes ınflıasııa jappaı ósýi múmkin. О́ńirlik daǵdarystyń uzaqqa sozylyp bara jatqanyn baıqap otyrmyz. Tipti, bul ahýal jahandyq toqyraýǵa ushyratady degen qaýip bar. Osyndaı jaǵdaıda Úkimettiń jáne Ulttyq Banktiń negizgi mindeti – ınflıasııany turaqtandyryp, azamattardyń tabysyn arttyrý bolýǵa tıis. Sondaı-aq jańa jumys oryndaryn ashý qajet», dedi Prezıdent óz sózinde.Qasym-Jomart Toqaevtyń aıtýynsha, qazir ınflıasııanyń sharyqtap ketýi eń kúrdeli másele bolyp otyr. Oǵan qosa baǵanyń ósýine azyq-túlik ınflıasııasy da edáýir áser etti. Qazir onyń deńgeıi 19,2 paıyzǵa jetti. Al azyq-túliktiń keıbir túri birden 80 paıyzǵa qymbattady.«Úkimettiń baǵany turaqtandyrýǵa baǵyttalǵan sharalary tıimsiz bolyp shyqty. Úkimet ınflıasııany eski ádis-tásilmen toqtatqysy keledi. Onyń ózinde bıýdjetten qosymsha qarajat bólip, baǵany jasandy túrde ǵana rettep otyr. Iаǵnı, qymbatshylyqtyń sebebimen emes, saldarymen kúres júrip jatyr. Al, shyn máninde, kerisinshe bolýy kerek. Úkimet bar jaýapkershilikti óńirlerge artyp qoıdy. Olar ákimshilik resýrsty paıdalanyp, dúkenderdi aralap júr, basqa tásilder jáne jańa ıdeıalar joq. Mundaı jumys eshqashan tıimdi bolǵan emes. Bir sózben aıtqanda, naryq zańdylyǵyna saı keletin jańa ustanym joq», dedi Memleket basshysy.