Memleket basshysy Úkimettiń jumysyna ortasha degen baǵa berdi, dep habarlaıdy Egemen.kz.
«Jalpy, Úkimettiń jumysyna ortasha degen baǵa berýge bolady. Úkimet tabandylyq tanytýǵa tyrysýda. Biraq, qazirgi kezeńde bosańsýǵa bolmaıdy. Jumys qarqynyn barynsha kúsheıtý qajet. Jańa, tyń ádis-tásilderdi qoldaný kerek», dedi Memleket basshysy Úkimettiń keńeıtilgen otyrysynda.
Onyń aıtýynsha, Úkimet jedel áreket etetin operatıvtik shtab qana emes, naqty reformalardy usynatyn jáne júrgizetin basty memlekettik mekeme bolýy kerek.
«Qazaqstanda ekonomıster, kásipkerler kóp. Shetinen bilimdi, daryndy. Biraq, olardyń naqty usynystary az, tipti, joq dep aıtýǵa bolady. Kúzge qaraı, múmkin, kadrlyq sheshimder qabyldaý kerek bolady. Erekshe daǵdarys jaǵdaıynda bul óte qajet ekeni túsinikti», dedi ol.