Qyrǵyzstannan Qazaqstanǵa taǵy 11 tonna qant eksporttamaq bolǵan. Bul týraly Qyrǵyz Respýblıkasy Ulttyq qaýipsizdik memlekettik komıteti Shekara qyzmetiniń aqparat jáne kommýnıkasııalar departamenti málimdedi, dep habarlaıdy Egemen.kz.
«Aq Jol-avtojol» baqylaý-ótkizý beketine Qyrǵyzstan Respýblıkasynyń azamattary - 1991 jyly týǵan T.Ý. jáne 1992 jyly týǵan S.N. tizgindegen «Mersedes-Bens» markaly eki júk kóligi tekserildi.
«Júrgizýshiler shekara narıadyna kólikte un ónimderi (kıtlap) bar ekendigi kórsetilgen ilespe qujattardy usyndy. Tekserý kezinde shekarashylar un jáshikteriniń artyna jasyrylǵan 11 tonna qantty tapty», dep habarlady vedomstvodan.
Júrgizýshiler jalǵan qujat arqyly Qyrǵyzstannan Qazaqstanǵa qantty zańsyz eksporttamaq bolǵan. Qyrǵyzstan Respýblıkasy Ulttyq qaýipsizdik memlekettik komıtetiniń Shekara qyzmeti Qyrǵyz Respýblıkasy Mınıstrler kabınetiniń sheshimimen elden túıirshiktelgen qant pen shıki qantty alty aıǵa deıin eksporttaýǵa ýaqytsha tyıym salǵan.
Tıisti qujattar toltyrylǵan soń júrgizýshi men júk quzyrly organ qyzmetkerleriniń qaraýyna berildi.