Mańǵystaý oblystyq perınataldyq ortalyǵynda Aıym, Gúlim jáne Nurym esimdi úshem dúnıege keldi. Bıyl Aqtaýda osymen ekinshi ret úshem dúnıege keldi. Jalpy, jyl basynan beri oblystyq perzenthanada 4 319 náreste jaryq dúnıe esigin ashqan bolsa, sonyń 85-i egizder.
Barlyǵy da kútpegen jerden boldy. О́zimiz de tańǵaldyq. Tabıǵı jolmen boldy, EKO emes. Úshemderge deıin de úsh balamyz bolǵan. Joldasymnyń anasy da egizdiń syńary. Úshemimiz ómirge kelgen soń jaqyndarymyzdy kómekke shaqyrdyq. Júktilik barysynda birden úsh sábı bolatynyn bilgen joqpyn. Sondyqtan da dárigerlerdiń keńesimen kesar tiligi arqyly bosanýdy josparladyq. Barlyǵy sátti shyqty. Medısına qyzmetkerlerine úlken rahmet aıtamyn,– dedi úshemniń anasy Amangúl Tasıbekova. Bilikti medısına mamandarynyń qaraýynda bolǵan anasy men nárestelerdiń jaǵdaıy turaqtalǵan soń úıine jiberildi.
– О́mirge kelgen bir ul men eki qyzdyń salmaǵy 2 kg 286 g, 2 kg 280 g jáne 1 kg 880 g quraıdy. Bóbekterdiń deni saý bolsyn. Elimizdiń qalaýly azamattary bolyp óssin, – dedi «Ana men bala» ortalyǵynyń dırektory J.Epenova.
Mańǵystaý oblysy