Shyǵys Qazaqstan oblysyndaǵy Buqtyrma sý qoımasynda 24 adam mingen keme sýǵa batty, dep habarlaıdy Egemen.kz.
ShQO Tótenshe jaǵdaılar departamenti habarlaǵandaı, oqıǵa 17 shildede saǵat 19:00 shamasynda Ulan aýdanyndaǵy Buqtyrma sý qoımasynyń boıyndaǵy «Aıýda» demalys bazasynan úsh shaqyrym jerde oryn alǵan.
О́ńirdegi qatty jeldiń saldarynan jolaýshylardy tasymaldaýǵa arnalǵan keme sýǵa bata bastaǵan. Keme «Sadko» demalys bazasynan «Aıýda» bazasyna qaraı bet alyp kele jatqan.
«Keme bortynda 24 adam, onyń ishinde 21 jolaýshy men 3 ekıpaj múshesi bolǵan. Jel jyldamdyǵy sekýndyna 20 metrge deıin jetti», delingen habarlamada.
Qutqarýshylardyń jedel áreketiniń arqasynda 21 jolaýshy, onyń ishinde 9 bala aman-esen «Aıýda» bazasyna jetkizilgen.
Oqıǵadan zardap shekken adam joq.