Qazaqstannyń Azamattyq avıasııa komıteti Reseıdiń avıasııa bıligimen birlesip, Almaty – Ýfa jańa baǵytyn ashý máselesin pysyqtady, dep habarlaıdy Egemen.kz.
Reseılik «Red Wings» áýe kompanııasy bıyl 4 tamyzdan bastap Almaty – Ýfa baǵyty boıynsha ushady. Reıs beısenbi saıyn, aptasyna 1 ret oryndalady.
Sondaı-aq 4 tamyzdan Nur-Sultan – Ýfa baǵyty boıynsha turaqty jolaýshylar reısi ashylady. Áýe reısi aptasyna bir ret, beısenbi saıyn ushady.
Jolaýshylar SU-95 tıpti ushaqpen tasymaldanady. Bıletter áýe kompanııasynyń resmı saıtynda satylady. Avıasııa komıteti Qazaqstan men Reseı arasynda jańa reısterdiń ashylýy eki el arasyndaǵy saýda-ekonomıkalyq, ınvestısııalyq, týrıstik jáne mádenı yntymaqtastyqty odan ári damytýǵa yqpal etetinin atap ótti.