QR IIM Tergeý departamenti basshysynyń orynbasary Muhtar Qojaev jappaı tártipsizdikter kezinde qarý urlap, ony zańsyz saqtaǵan adamdar jaýapqa tartylatynyn aıtty, dep habarlaıdy Egemen.kz.
Búgingi tańda ishki ister organdary tergeýshileriniń óndirisinde 381 qylmystyq is bar, olar boıynsha 10 adam qamalǵan
Sondaı-aq Muhtar Qojaev 359 is sotqa jiberilgenin aıtty.
«Olardyń kópshiligi jappaı tártipsizdikter kezinde urlyq jasaǵany, qarý urlap, ony zańsyz ustaǵany, kólik quraldaryn aıdap áketip, tonaý men buzaqylyq jasaǵany úshin jaýapqa tartylady», dedi Muhtar Qojaev.
Onyń aıtýynsha, sotta qaraý nátıjeleri boıynsha aýyr jáne asa aýyr qylmystar jasaǵan 460 adamǵa qatysty úkim shyǵarylǵan.
Sonymen qatar 13 adam taraptardyń zalalyn óteýge jáne tatýlasýyna baılanysty qylmystyq jaýapkershilikten bosatyldy. 116 sottalýshyǵa qatysty 55 qylmystyq is sottardyń qaraýynda jatyr.
343 mln teńgeden astam somaǵa baǵalanatyn azamattar men bıznes sýbektileriniń urlanǵan múlki, onyń ishinde 12 avtokólik, 319 birlik turmystyq tehnıka, 189 birlik zergerlik buıymdar, 286 uıaly telefon, 550 birlik kıim tárkilendi.